ग्रेट मराठी न्युज(GM NEWS),आंदोलन वृत्त : केकतनिंभोरे ग्रामपंचायतीच्या वतीने बांधण्यात येत असलेल्या सभा मंडपाचे काम प्लॅन- इन्स्टमेंट नुसार करा ! …अन्यथा मनसेचा खळखट्याक् आंदोलनाचा इशारा. प्रशासनाला दिला २० नाव्हेंबरचा अल्टीमेटम.

0
71

जामनेर,दि.८ ( मिलींद लोखंडे ) : – जामनेर तालुक्यातील केकतनिंभोरे ग्रामपंचायतीच्या वतीने गावाच्या दर्शनी भागात नविन सभा मंडप बांधण्याचे काम सध्या सुरु आहे. सदर काम लोकप्रतिनिधींनी सुचविलेल्या विकास कामा नुसार २५/१५ योजने अंतर्गत होत आहे हे काम मंजुर झालेल्या प्लॅन इन्स्टीमेंट प्रमाणे होत नसुन बांधकाम करणारे संबंधीत ठेकेदार ‘कामात घोळ करून शासनाला लुटण्याचा मेळ’ साधत असल्याचा गंभीर आरोप येथील रहिवाशी तथा मनसे तालुका अध्यक्ष अशोक पाटील यांनी केला आहे.

        केकतनिंभोरे ग्रा.पं प्रशासनाच्या वतीने नविन सभा मंडप बांधण्याचे काम सध्या प्रगती पथावर आहे या कामाची प्रत्यक्ष पाहणी विरोधी गामपंचायत सदस्यांसह स्थानिक जागृत ग्रामस्थ आणी मनसे तालुका अध्यक्ष अशोक पाटील यांनी केली असता सभा मंडपाचे काम मंजुर करण्यात आलेल्या प्लॅन इन्स्टीमेंट नुसार होत नसल्याचे निर्दशनास आले आहे. सभा मंडपाच्या आत मधील कच्ची माती बाहेर न काढता त्यावरच थोडी फार मुरुम भरती टाकण्यात आली आहे . जमीन लेव्हलला आडवे बिम बांधतांना मुरुम भरती पुर्ण टाकलेली दिसावी या हेतुने ३ / ४ फुटावर टाकण्यात आले आहेत. सभा मंडपाच्या प्रवेश व्दारा कडुन बांधण्यात आलेल्या आडव्या बिमात व आत मधुन बाहेर आलेल्या बिमात ३ / ४ फुटाचे अंतर दिसुन आले आहे. त्यामुळे सदर बांधकाम निकृष्ठ दर्जाचे होत असुन प्लॅन इन्स्टीमेंट नुसार होत नसल्याचे मिदर्शनास आले आहे. यापुर्वी गत वर्षी सुद्धा संबंधीत ठेकेदाराने एक सभा मंडप बांधला होता या बांधकामात सुद्धा अशाच पद्धतीने मनमानी पद्धतीने काम करण्याचा प्रयत्न केला होता परंतु मनसेच्या खळखट्याक् दणक्याने आणी ग्रामस्थांनी हा प्रकार हाणुन पाडला होता व प्लॅन इन्स्टीमेंट नुसार काम करुन घेतले होते. असे असतांना सुद्धा तीच पुनावृत्ती होत असेल तर मनसे तालुका अध्यक्ष अशोक पाटील यांनी खळखट्याक् आंदोलनाचा ईशारा शासनाला दिला आहे. या बाबत पंचायत समिती प्रशासन तथा कार्यालयीन अधिक्षक श्री. केशवराव जाधव यांना तक्रार निवेदन आज देण्यात आले असुन २० तारखेचा अल्टीमेटम देण्यात आला आहे . या प्रसंगी निवेदन सादर करतांना जिल्हा सचिव – डॉ.विजयानंद कुलकर्णी, महिला जिल्हाध्यक्षा- डॉ. सौ. भक्ती कुलकर्णी, महिला तालुकाध्यक्षा आशा कोठारी , मनसे तालुका सरचिटणीस किशोर पाटील , म.वि .से तालुकाध्यक्ष आशुतोष पाटील , सागर जोशी , नाना गावंडे , अरुण भोसले , गोविंदा बनकर , संदीप मराठे , रतन देशमुख , सोपान लहासे , नाना शिंदे , किरण अहिरे , विशाल चव्हाण , विनोद चव्हाण , मुकेश जाधव , मयूर कोळी , स्वप्नील माळी , नितीन भोपळे , मयूर जोशी, अमोल पाटील , करण हिवाळे , जितू पाटील , अशपाक देशमुख,गजानन सरोदे, अतुल माळी, आदी पदाधिकारी उपस्थित होते.


                 जहिरात