जामनेर शहरात २ ऑगष्ट पासुन तीन दिवशीय सांस्कृतीक कार्यक्रम .

134

जामनेर दि .२८ ( मिलींद लोखंडे ) : -जामनेर येथील आनंदयात्री आणि जळगाव येथील परिवर्तन या संस्थांच्या संयुक्त विद्यमाने जामनेर नगरीत पहिल्यांदाच तीन दिवसांचा विशेष सांस्कृतिक महोत्सव संपन्न होत आहे.
पुणे,मुंबई येथे गाजलेले नाटके, संगीत कार्यक्रम व साहित्य विषयक घडामोडी आपल्याही शहरात व्हाव्यात या साठी आनंदयात्री ही संस्था काम करत आहे.
या तीन दिवसांच्या महोत्सवास २ आगष्ट पासून सुरुवात होत असून ४आगष्ट पर्यंत कार्यक्रमांचे नियोजन केलेले आहे.
पहिल्या दिवशी दि २ ऑगष्ट २०१९ शुक्रवार रोजी संध्या ६:३० वाजता
‘अमृताची गोडी’
हा ८००वर्षाच्या मराठी कवितेचा संगीतमय समृद्ध प्रवास सांगणारा संगीत कार्यक्रम संपन्न होईल, या कार्यक्रमाचे
दिग्दर्शिन मंजुषा भिडे यांचे असून परिवर्तन चे कलावंत हा कार्यक्रम सादर करतील.या कार्यक्रमाचे या आधी महाराष्ट्रभर १७ प्रयोग झाले आहेत.

दुसऱ्या दिवशी दि ३ ऑगष्ट २०१९ शनिवार रोजी संध्या६:३०वाजता महाराष्ट्रभर अत्यंत गाजलेला ‘नली’ हा एकलनाट्य प्रयोग सादर होईल. तरल प्रेमाची भावस्पर्शी कहाणी असलेला हा एकल नाट्य प्रयोग प्रतिथयशप्राप्त अभिनेते हर्षल पाटील सादर करतील तर दिग्दर्शन योगेश पाटील यांचे असेल. ‘नली’ या बहुचर्चित नाट्याचा हा ३४ वा प्रयोग असेल.

तिसऱ्या दिवशी दि.४ ऑगष्ट २०१९ रोजी संध्या. ६:३० वाजता
‘अपूर्णांक’ या दोन अंकी नाटकाचा विशेष प्रयोग सादर होईल.
या नाट्य प्रयोगाचे दिग्दर्शन नारायण बाविस्कर हे असून परिवर्तन जळगाव या संस्थेची ही निर्मिती आहे.या नाटकाचे४५ प्रयोग पूर्ण झाले असून खास लोकाग्रहास्तव जामनेर मध्ये हा प्रयोग संपन्न होत आहे. या नाटकाचे मूळ लेखक सुप्रसिद्ध हिंदी साहित्यिक मोहन राकेश असून याचं मराठी नाट्य रूपांतर रंगकर्मी शंभू पाटील यांनी केले आहे.

जामनेर मध्ये पहिल्यांदाच हा भरगच्च कार्यक्रम होत असल्याने सर्व रसिकांसाठी ही आनंदाची पर्वणी आहे ,तेव्हा रसिकांनी आवर्जून याचा लाभ घ्यावा.
कार्यक्रमाचे ठिकाण बोहरा मंगल कार्यालय, पाचोरा रोड जामनेर हे असून विनामूल्य प्रवेशिका प्राप्त करण्यासाठी संजीवनी हॉस्पिटल, स्मित हॉस्पिटल, धन्वंतरी हॉस्पिटल येथे संपर्क करावा असे ‘आनंदयात्री’ तर्फे कळविण्यात आले आहे.